Երևանի քաղաքապետարանի տեղեկատվության և հասարակայնության հետ կապերի վարչության պետ Հովսեփ Կուբատյանը ֆեյսբուքյան իր էջում տեսանյութ է հրապարակել՝ ներկայացնելով կադրեր օրեր առաջ Մյասնիկյան պողոտայում տեղի ունեցած դեպքից, երբ անհայտ անձինք աղբարկղերը գցել էին գետը.
«Ինչպես են աղբամանները գցում գետը։ Օրերս տեսանյութ էի հրապարակել, որտեղ ԵԱՍՄ աշխատակիցները Մյասնիկյան պողոտայի աղբամաններից երկուսը հայտնաբերել էին գետում։ Կենտրոն վարչական շրջանի աշխատակազմը արդեն դիմել է ոստիկանություն։ Վստահ եմ, որ մեր համաքաղաքացուն շուտով կհայտնաբերեն»,- գրել է Կուբատյանը: