Հասարակական գործիչ Կարեն Հեքիմյանի ֆեյսբուքյան գրառումը. «Մի հավատացեք բանկերի «ակցիաներին», քանզի ձեզ խաբում են: Ակցիաները կրում են սպեկուլյատիվ բնույթ:
Օրինակ` Ինեկոբանկը (Inecobank CJSC):
Վերջինս «ակցիա է» իրականացնում, որի շրջանակներում 12 ամսվա ընթացքում բանկի կողմից տրված «ապառիկն» անտոկոս է, չկա նաև «սպասարկման» և այլ բնույթի գումարներ: Քաղաքացին, կարդալով Ինեկոբանկի` «ակցիայի» վերաբերյալ հայտարարությունը և նպատակ ունենալով «ապառիկով», ենթադրենք` հեռախոս գնել, այցելում է մասնագիտական խանութ(ներ): Վերջինիս նախընտրած հեռախոսի գինը կանխիկով կազմում է 285 000 ՀՀ դրամ, «ապառիկով»` գները բազմատեսակ են: Օրինակ` Ամերիաբանկի միջոցով նույն հեռախոսը գնելու դեպքում, քաղաքացին պետք է վճարի 314 000 ՀՀ դրամ + տոկոսներ և սպասարկման գումար: Այժմ, ուշադիր` Ինեկոբանկի 12 ամսվա «անտոկոս» և «առանց սպասարկման գումարի» «ակցիայի» շրջանակներում, 285 000 արժեք ունեցող հեռախոսի գինը կկազմի 342 000 ՀՀ դրամ: Ստացվում է` Ինեկոբանկի «անտոկոսն» ու «անսպասարկումն» արժի 342 000 - 285 000 = 57 000 ՀՀ դրամ, մոտավորապես այնքան (մի բան էլ ավելի), որքան կազմում է 1 տարվա տոկոսն ու սպասարկումը: Այսինքն, Ինեկոբանկի հայտարարած «ակցիան» ոչ միայն ֆեյք է, այլև տարրական սպեկուլյացիա»: