«Արցախի համար պատասխանատվություն կրողները, որոնք հանդիսանում են այսօրվա իշխանությունները, մեկ րոպե, մեկ վայրկյան առաջ թող հրաժարակն տան»,-այսօր կազմակերպված հանրահավաքի ժամանակ հայտարարեց երգիչ Ներսիկ Իսպիրյանը:
«Ես քաղաքական գործիչ չեմ, բոլորդ գիտեք, ես ներկայացնում եմ երգարվեստն ու մշակույթը։ Իմ պապերը մշեցիներ են, Մուշից գաղթած սերունդը շատ լավ է հասկանում՝ ինչ է նշանակում կորուսյալ հայրենիք։ Մեր պապերը էրգիր ասելով իրենց մահկանացուն կնքեցին այստեղ՝ Արևելյան Հայաստանում»,-նշեց նա։
Նա կոչ արեց հավաքվածներին համախմբվել, դառնալ մեկ բռունցք և հետ բերել կորսված հայրենիքը: