Asekose.am-ի ընթերցողներից Վարազդատ Կոլյանի նամակը ներկայացնում ենք առանց խմբագրման և ավելորդ մեկնաբանության.
«Տեղեկացնում եմ Ձեզ ,որ Վ. Սարգսյան /Պ. Ադամյան խաչմերուկում տեղադրված է տեսանկարահանման սարք, որն արձանագրում է մեքենաների կայանման փաստը և բացարձակապես հանիրավի տուգանքի հաշիվներ է ներկայացնում վարորդներին: Նշված տարածքում (Պիացցա Գրանդե և ԱՐՄՍՎԻՍ բանկի հատող փողոցի հատված ) կանգառն արգելող որևէ նշան գոյություն չունի և վարորդն այդ մասին հավուր- պատշաճի տեղեկացված չէ: Առկա է միայն բացարձակ անորոշ գույնի և չափերի և ուղղվածության գծանշան ասֆալտին արված բանկի շենքից անհասկանալի հեռավորության վրա,ինչն էլ ոչ համաչափորեն կարող է համարվել կայանման արգելքի տարածք: Իսկ տեսաարձանագրող սարքը նենգաբար շարունակում է ֆիքսել ավտոմեքենայի կայանումը` ներկայացնելով վարորդներին տուգանք ` չունենալով դրա համար որևէ օրենքով նախատեսված հատուկ հիմք:
Ազգաբնակչության նմանատիպ բողոքները այս տեսակ անիրավությունների առիթով բացարձակ տեղին են:
Խնդրում եմ ` պատկան ատյանները ձեռնարկեն համապատասխան միջոցներ»:
