▲ Դեպի վեր

lang.iso lang.iso lang.iso

«Կարեկցես, որ հետո զորքով գա քո տան վրա՞». Արթուր Ղազինյան

ԱԺ նախկին պատգամավոր Արթուր Ղազինյանը ֆեյսբուքյան իր էջում գրում է.

«Մարդասիրությունը լավ բան է, մարդուն պետք է սիրել, կարեկցել ծանր վիճակում, օգնել ու աջակցել նրան:
Բայց դա վերաբերվում է մարդուն և ոչ բորենուն, ով տենչում է քո մահը, գլխատում է քո երեխաներին, զավթում ու ավիրում է քո քաղաքները, գյուղերը, ատում է քեզ միայն նրա համար, որ դու ՀԱՅ ես:
Սրանց ո՞նց սիրես, ո՞նց կարեկցես, ո՞նց օգնես:
Օգնես, որ հետո քեզ գլխատի՞, կարեկցես, որ հետո զորքով գա քո տան վրա՞, սպանի քո զավակներին ու զավթի քո հայրենիքը՞:
Ես պատրաստ չեմ դրան, չեմ կարող ցավալ, կարեկցել մի ժողովրդի համար, ով 2 տարի առաջ սպանում էր իմ ազգի հազարավոր երիտասարդներին, գրավում ու ավիրում էր իմ հայրենիքը:
Բայց ես Հայ մարդ եմ և չեմ ուրախանում այս աղետից, չեմ չարախնդում փլատակների տակ մնացած հազարավոր երեխաներին, նրանց ծնողներին:
Չեմ ասում արդար է, հասնում է դրանց, որովհետև ՀԱՅ ԵՄ ու դրանով եմ տարբերվում թուրքից ու ադրբեջանցուց...»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին