Թուրքիայի խորհրդարանի քրդամետ Ժողովուրդների դեմոկրատական կուսակցության պատգամավորներ Կարո Փայլանն ու Էբրու Գյունեյը ելույթ են ունեցել Արգենտինայի Կոնգրեսում:
«105 տարի առաջ տեղի ունեցած Հայոց ցեղասպանությունը կարող է կրկնվել նաև քրդերի դեմ»,- իր ելույթում ասել է Փայլանը:
«Ես շատ երախտապարտ եմ Արգենտինային հայերի ցեղասպանության ճանաչման համար: Շատ երկրներ են ընդունել, բայց արդյո՞ք դա կանգնեցրել է մեր ցավը: Արդարության կհասնենք միայն այն ժամանակ, երբ Թուրքիայի իշխանությունները կճանաչեն Հայոց ցեղասպանությունը»,- ասել է Փայլանը: Էբրու Գյունեյն էլ իր հերթին նշել է, որ իրենք պայքարում են երկրում գենդերային խնդիրների դեմ:
«Շատ դժվար է պայքարել տարբեր ժողովուրդների իրավունքների համար գրեթե ֆաշիստական միջավայրում»,- ասել է պատգամավորը:
Մանրամասն՝ տեսանյութում՝ Արգենտինայի խորհրդարանի յութուբյան էջից