Թարմացված․ «Մեր տղերքը նահանջ հրամանին չեն ենթարկվել, մենք էլ չենք ենթարկվում: Ուզում եք՝ սաղիս ձերբակալեք, մեկին կբռնեք, տասը կգա»,- դատարանի բակում, հանդիմանելով ոստիկաններին, ասացին զոհված զինծառայողների ծնողները: Նշենք, որ նրանք պահանջում են ազատ արձակել Աշոտ Փաշինյանին իբրև թե առևանգելու գործով մեղադրվող ծնողներին:
Թարմացված․Բախում ոստիկանների և հերոսածին ծնողների միջև՝ ՔԿ շենքի մոտ
Դիտեք նաև՝
Թարմացված․ Զոհված Նորայր Մայիլյանի հայրը զոհված զինծառայողների ու մյուսների ծնողներին կոչ է անում գալ ու իրենց կողքին կանգնել դատարանի բակում: «Խայտառակություն է ուղակի, անտարբերությամբ չգիտեմ՝ ուր ենք հասել, խոսքեր չկան»,- ասաց նա:
Պատմելով այսօր մեծ աղմուկ հանած միջադեպի մասին՝ նա նշեց, որ Վճռաբեկ դատարանի բակում են եղել, «մեր Գայանեի դատն է եղել, Աշոտ Փաշինյանն էլ ըտեղ հանկարծ հայտնվել է»:
«Մենք մեր ամենաթանկն ենք տվել, ես իմ մինուճարին եմ տվել, հիմա համ անտեր ենք մնացել, համ էլ հալածվում ենք: Կոչ եմ անում զոհվածների բոլոր ծնողներին՝ գոնե դուք, իմ բախտակից ընկերներ, եկեք կանգնեք մեր կողքը: Մնացածը զոմբիացած են, էշացած են, քնած են, աստված իրենց հետ»:
|
Երեք ժամից ավելի է, ինչ զոհված զինծառայողների՝ բերման ենթարկված ծնողները գտնվում են Ոստիկանության Շենգավիթի բաժնում: Նշենք, որ ԱԺ պատգամավոր Գառնիկ Դանիելյանը քիչ առաջ հայտնեց, որ ծնողներին տեղափոխելու են քննչական բաժին՝ քննչական գործողություններ կատարելու: Ավելի վաղ հայտնի էր դարձել, որ 44-օրյա պատերազմում զոհված զինծառայողների ծնողները ձերբակալվել են վարչապետ Նիկոլ Փաշինյանի որդու՝ Աշոտ Փաշինյանին առևանգելու ենթադրյալ փորձի հիմքով։ Նրանք տեղափոխվել են Շենգավիթի ոստիկանական բաժանմունք։ Իր հերթին ՔԿ-ից հայտնել են, որ Աշոտ Փաշինյանի կողմից ՀՀ ոստիկանությունում ներկայացված հաղորդումը քիչ առաջ փոխանցվել է ՀՀ քննչական կոմիտեին։ Դրա հիման վրա ՀՀ ՔԿ Երևան քաղաքի քննչական վարչության ծանր հանցագործությունների քննության բաժնում նախաձեռնվել է քրեական վարույթ՝ ՀՀ քրեական օրենսգրքի 191-րդ հոդվածի 2-րդ մասի 1-ին կետի հատկանիշներով։ Իրականացվում են անհետաձգելի քննչական գործողություններ՝ հանգամանքները պարզելու ուղղությամբ։ Հավելենք, որ քիչ առաջ ՔԿ-ն հաղորդագրություն տարածեց՝ նշելով, որ Աշոտ Փաշինյանի առերևույթ առևանգման դեպքի առթիվ նախաձեռնվել է քրեական վարույթ․ ձերբակալվել է 1 անձ: Հիշեցնենք՝ այսօր Փաշինյանի ընտանիքին պատկանող «Հայկական ժամանակ»-ը հայտնել է, որ զոհվածների ծնողները փորձել են առևանգել Աշոտ Փաշինյանին։ «Որդիների կանչ» ՀԿ-ն մանրամասներ է հայտնել միջադեպի մասին՝ նշելով. «Պետք է պարզաբանենք և հստակեցնենք մեկ բան, որ նշված երիտասարդը իր ոտքով-ձեռքով է նստել մեր հերոսամայրերից մեկի մեքենան, այնուհետև մեզ համար անհասկանալի պատճառով իրեն նետել մեքենայից»։ Դիտեք նաև՝ Դիտեք նաև՝ |
