Այս ընթացքում կորոնավիրուս է հաստատվել ևս 7 պացիենտների մոտ։ Դեպքերի ընդհանուր թիվը դարձել է 122։ Այս մասին լրագրողների հետ զրույցում ասել է առողջապահության նախարար Արսեն Թորոսյանը։

Նրա խոսքով՝ նոր դեպքերը կրկին կապված են «արտադրամասի օջախի» հետ: Նախարարը հավելեց, որ սպասվում է, որ այստեղի վարակակիրների թիվն ավելանալու է, որևէ պացիենտի կյանքին վտանգ չի սպառնում, նրանք հիմնականում չեն ջերմում: