▲ Դեպի վեր

lang.iso lang.iso lang.iso

Կոստանյանը ոնց որ միտք չունի ՀՀ վերադառնալու, իսկ Սերժ Սարգսյանի հրավերը չենք ուշացնում. Անդրանիկ Քոչարյան

Ես այսօր նկատեցի, որ Գեւորգ Կոստանյանը, կարծես թե, միտք չունի վերադառնալ Հայաստան, ամեն ինչ արեք, որ գա եւ նախաքննական մարմնին տեղեկություններ տա: Այս մասին, այսօր՝ նայեմբերի 18-ին, ԱԺ-ում լրագրողների հետ զրույցում նշեց ՀՀ ԱԺ «Իմ քայլը» խմբակցության պատգամավոր, խորհրդարանի պաշտպանության և անվտանգության հանձնաժողովի նախագահ, Ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը: «Եթե իր հետ կապված հարցեր կան, ինքը պարտավոր է գալ:

Գեւորգ Կոստանյանը գլխավոր դատախազը չէ, որ որոշի՝ ում կանչել, ում ոչ: Հեչ պետք չի Էյնշտեյնի հայտնի աֆորիզմների հետեւում ցույց տա, որ ինքն այնքան կարեւոր է, որ իրեն փորձում է հավասարեցնել Էյնշտեյնին: Ինքն էլ է գիրք կարդում, այլ մարդիկ էլ են գիրք կարդում: Գիրք կարդալու մեջ չի խնդիրը, այլ նրա մեջ, թե ամեն մարդ պատասխանատվություն կրելո՞ւ է իր արած քայլերի համար: Հիմա եկել է պատասխան տալու ժամանակը, թող գա ու պատասխանի նախաքննության մարմնի հարցերին»,-ասաց նա: Քոչարյանը նաեւ հավելեց. «Նախկինում երբ ապօրինությունների էին դրդում զինվորականներին, ներքին զորքերի ծառայողներին եւ հիմա նախաքննության մարմինը ձեռք է բերել ապացույցներ, որի պատասխանները պետք է գտնի նաեւ Գեւորգ Կոստանյանի մոտ: Կարող է միլիոն գիրք կարդա, բայց պետք է գա եւ նախաքննության մարմնի հարցերին պատասխանի»:

Անդրանիկ Քոչարյանի ճեպազրույցն ամբողջությամբ՝ տեսանյութում:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին