«Անցնող գիշերը ՀՀ ամբողջ սահմանի երկայնքով իրականացվել են հակառակորդի կողմից մոտավորապես 120 կրակոցներ, խախտումներ, հիմնականում կիրառվել են հրաձգային զենքեր, չի կիրառվել հրետանի:
Կրակոցներ իրականացվել է ոչ միայն Տավուշի շրջանում, այլ մարզի ամբողջ սահմանագոտու երկայնքով, այդ թվում՝ նաև Նոյեմբերյանի ուղղությամբ: Կրակոցներ են եղել նաեւ Գեղարքունիքի եւ Նախիջեւանի ուղղությամբ»,-այս մասին այսօր ճեպազրույցի ժամանակ հայտնեց Տավուշի տեղեկատվական շտաբի պատասխանատու Արծրուն Հովհաննիսյանը:
