Կյանքից անժամանակ հեռացել է «Երիտասարդի ձայն» կազմակերպության ղեկավար Հովհաննես Հարությունյանը, ով ընդամենը 31 տարեկան էր, ընտանիքի միակ զավակը: 

Ցավալի լուրի մասին  հայտնել են ընկերները․ Հովհաննեսի մոտ չարորակ ուռուցք էր հայտնաբերվել, որը տասը օրում խլել է նրա երիտասարդ կյանքը։ 

Նա տնտեսագիտական համալսարանի ուս.խորհրդի նախագահն էր, շատ ակտիվ հանրային գործունեություն սկսեց ծավալել գործող իշխանության դեմ ապօրինությունների ժամանակ, հաճախ էր ձերբակալվում, միշտ եղել է ոստիկանական ուժերի, հատկապես` բերետավորների թիրախում: Մեծ միջավայրում շատ հարգված երիտասարդ էր, շատ հեռանկարային:

Հովհաննես Հարությունյանը նոր էր ընտանիք կազմել: Սրբազան պայքարի ողջ ընթացքում շատ ակտիվ մասնակցություն է ունեցել տարատեսակ միջոցառումների ժամանակ, և կազմակերպական, և ճանապարհները փակելու ու տարատեսակ ակցիաների ժամանակ: 

Ամենահաճախ բերման ենթարկվածներից էր իր ակտիվ նախաձեռնողական տեսակի պատճառով:

«Հավատս չի գալիս... լույսերի մեջ մնաս, պայքարի ընկերս, դեռ որքան Հաղթանակ պետք է տեսնեիր....»,- Facebook-ում գրել է «Հայաստան» խմբակցության պատգամավոր Գեղամ Մանուկյանը:

Asekose.am-ը ցավակցում է Հովհաննես Հարությունյանի ընտանիքին և ընկերներին։