Թարմացված․ ԱԺ այսօրվա նիստի ժամանակ ընդդիմադիր խմբակցության պատգամավոր Գեղամ Մանուկյանը, անդրադառնալով Ալավերդիում ստեղծված իրավիճակին, հայտարարեց. «ՀՀ-ում ժողովրդավարության, ՏԻՄ մարմինների գործունեության բռնաբարություն է տեղի ունենում Ալավերդիում: Եզակի ոչ իշխանական թեկնածուն համայնքի ղեկավար է ու կարմիր բերետավորները փորձում են բռնազավթել իշխանությունը»:

Քիչ առաջ հայտի դարձավ, որ Ալավերդու ՔՊ խմբակցությունը անվստահություն է հայտնել համայնքի ղեկավար, «Ապրելու երկիր» խմբակցության անդամ Արկադի Թամազյանին և նոր համայնքապետ է ընտրել ՔՊ-ական Դավիթ Ղումաշյանին:

Թարմացված․ «Ներկա ավագանիների 14 ձայներով անվստահություն հայտնվեց Ալավերդու գործող համայնքապետ Արկադի Թամազյանին, ու ավագանու անդամ Դավիթ Ղումաշյանն ընտրվեց համայնքի ղեկավար»,- Ալավերդի համայնքի ավագանու նիստի ժամանակ հայտարարեց ՔՊ-ական անդամը: Երդման նիստը կկայանա 2023թ. դեկտեմբերի 8-ին՝ համայնքապետարանի շենքի ավագանու նիստերի դահլիճում:

«Ամբողջ ՔՊ խմբակցությունն առավոտ լույսով ոստիկանության միջնորդությամբ ներս է մտել: Իսկ հիմա ո՛չ ժողովրդին են թույլ տալիս ներս մտնել, ո՛չ՝ մեր ավագանիներին ու աշխատակիցներին»,- համայնքապետարանի մոտ լրագրողների հետ զրույցում ասել է Ալավերդի համայնքի ընդդիմադիր ղեկավար Արկադի Թամազյանը՝ հավելելով, որ բռնի ուժով նիստ կայացնելն օրենքի խախտում է. «Ներսում միայն ՔՊ-ն է ու մեր խմբակցության այն մեկ անդամը, ով լքել էր խմբակցությունը: Վերջինը 06:30-ին նրանց հետ եկել է: Իրավունք չունեն նման գործողություն կատարելու, բայց բռնի ուժով ու ոստիկանության աջակցությամբ փորձելու են ամեն ինչ անել»,- նշել է նա:

Դիտեք նաև՝