armtimes.com-ը գրում է. Լոս Անջելես-Մոսկվա ուղղությամբ թռիչք իրականացնող ինքնաթիռն այսօր արտակարգ վայրէջք է կատարել Կանադայում՝ ուղեւորներից մեկի ոչ ադեկվատ պահվածքի պատճառով:
Այս մասին կայքին տեղեկացրեց թռիչքի ուղեւորներից մեկը:
Միջինի տարիքի հայ տղամարդը թռիչքի ժամանակ սկսել է գոռգոռալ, սպառնալ, որ ահաբեկիչ է.
«Ասում էր սաղիդ դեմքերը հիշում եմ, հերիք ա ինձ հետեւեք, մինչեւ չգաք մորս բացատրեք ու ներողություն խնդրեք, ձեզ հանգիստ չեմ տալու: Հետո բիզնես կլասի ուղեւորներին էր անհանգստացնում, ասում էր՝ գնացեք ինքնաթիռի հետնամաս, սաղ իմ ասածներով ա լինելու, գողական պանյատներով»,- պատմում էր խմբագրություն դիմած մեր զրուցակիցը:
Ինքնաթիռի անձնակազմը, հասկանալով, որ վերջինս արդեն վտանգավոր է, կապել է նրա աթոռից, ապա հարկադրված վայրէջք է կատարել Կանադայի օդանավակայանում, որտեղ նրան ոստիկանությունը բերման է ենթարկել հենց ինքնաթիռից:
Ամբողջական հոդվածը`սկզբնաղբյուր կայքում
