«Գիտե՞ք, թե ձեր առօրյան ինչքա՜ն դրական ապրումներով կլցվի, երբ ամեն օր ձեր աչքի առաջ վազվզի այն վառ ապացույցը, որ դուք կյանք եք փրկել, շնորհակալ աչուկներով ամեն օր ձեզ աշխատանքի կճանապարհի և ուրախությունից իրեն կորցրած կդիմավորի ամենահավատարիմ էակը»,-նշված է Dog's Place ֆեյսբուքյան խմբում, որտեղ ներկայացված է նաև տեսանյութ՝ «Կյանք փրկիր` աշխարհը բարիացրու» նախագծի մասին, որի մասնակիցները ներկայացնում են իրենց պատմությունները:
Իր շան՝ հեղափոխության օրերից հայտնի Չալոյի պատմություն է ներկայացնում նաև ՀՀ վարչապետ Նիկոլ Փաշինյանի ավագ դուստրը՝ Մարիամը։
Նախագծի մասնակցել են նաև Սառա Անջարգոլյանը, Ռուբինա Ռուբենը, Ռուբեն Սահակյանը, Հակոբ Կազանջյանը, Շանթ Մկրտչյանը, Խաչատուր Սիրադեղյանը, Արեգ Գինոսյանը և Սոնա Բուլղադարյանը»։
