ՀՀ վարչապետ Նիկոլ Փաշինյանը Կառավարության նիստում մինչ օրակարգային հարցերին անցնելն անդրադարձավ Սիրիայի հյուսիսում ստեղծված իրավիճակին:
«Ինչպես հայտնի է, Թուրքիայի զինված ուժերը երեկ ներխուժել են Սիրիայի Արաբական Հանրապետություն, ՀՀ ԱԳՆ-ն արդեն հանդես է եկել համապատասխան հայտարարությամբ: Ուզում եմ ևս մեկ անգամ ընդգծել, որ ՀՀ-ն դատապարտում է ներխուժման գործողությունը և մենք մտահոգված ենք ստեղծված իրավիճակով:
Մեր գնահատմամբ՝ այդ գործողությունն ավելի կխորացնի Սիրիայում հաստատված մարդասիրական ճգնաժամը: Կոչ ենք անում միջազգային հանրությանը՝ գործուն միջոցներ ձեռնարկել այդ ապօրինի գործողությունը դադարեցնելու ու Սիրիայի քաղաքացիների իրավունքները պաշտպանելու ուղղությամբ»,- ասաց ՀՀ վարչապետ Նիկոլ Փաշինյանը: Նա հավելեց, որ օրակարգի սպառումից հետո դռնփակ նիստում կքննարկեն Սիրիայի հյուսիսում ստեղծված իրավիճակը:
Կարդացեք նաև՝ Թուրքական օդուժը ռմբակոծել է Սիրիայի հայաբնակ Ղամշլի քաղաքը
Հայաստանը դատապարտում է Սիրիայի հյուսիս-արևելքում Թուրքիայի կողմից իրականացվող ռազմական ներխուժումը