Իրավապաշտպան Արթուր Սաքունցը ֆեյսբուքյան իր էջում գրել է.

«Այս խայտառակ վայրագություն կատարողը ոստիկան չէ, մենթերը մեկ վայրկյան անգամ չպետք է մնան համակարգում, ու պետք է քրեական պատասխանատվության ենթարկվեն»:

Հավելենք, որ փաստաբան Սերգեյ Հարությունյանը  Aravot.am-ի հետ զրույցում ասել է, որ երեք ոստիկան ծեծել են 15-ամյա անչափահասին, սեռական հայհոյանքներ տվել:

«Իմ փաստաբանական գործունեության եւ իրավաբանի կենսագրության ընթացքում ես նմանատիպ դեպք չեմ լսել, որ անչափահաս, 15-ամյա երեխային, երեք ոստիկան՝ գետնից գցեն եւ ծեծեն. ոչ հանցագործ, ռեցիդիվիստ էին էլի, սովորական, լավ ընտանիքից, իր իրավունքներն իմացող, հայրենիքի համար պայքարող երեխա, որն ընդամենն իրազեկման գործողություն է արել»: