«Մեր կողմից նախաձեռնած բարձրագույն կրթության և գիտությանն առնչվող օրենքը միտված է նրան, որ հետազոտական ինստիտուտների և բարձրագույն ուսումնական հաստատությունների կապը սերտացվի և գիտությունը վերադառնա համալսարան, հետևաբար ուսանողն ընդգրկված լինի հետազոտական գործունեության մեջ»,- լրագրողների հետ ճեպազրույցում՝ անդրադառնալով առաջարկվող փոփոխություններին, ասաց ԿԳՄՍ նախարար Արայիկ Հարությունյանը:
Շրջանառության մեջ դրված «Բարձրագույն կրթության և գիտության մասին» նոր օրենքի նախագիծը քննարկումների առիթ է դարձել: Գիտությունների ազգային ակադեմիայի ինստիտուտները բուհերին միացնելու առաջարկ կա, ինչը միանշանակ չի ընդունվել:
