Արդեն հայտնել ենք, որ Երևանի ընդհանուր իրավասության դատարանի Շենգավիթի նստավայրում մեկնարկել է ԲՀԿ առաջնորդ Գագիկ Ծառուկյանի խափանման միջոցի քննությունը: ԲՀԿ-ական պատգամավոր Իվետա Տոնոյանը, պատասխանելով հարցին՝ ինչ է անելու կուսակցությունը, եթե կալանավորվի Գագիկ Ծառուկյանը, պատասխանեց.
«Մենք իշխանությունների կողմից սանձազերծված քաղաքական հետապնդումների շրջանակներում ամեն սցենարի պատրաստ ենք: Եթե Գագիկ Ծառուկյանին կալանավորելու միջնորդությունը բավարարվի, ԲՀԿ-ն՝ որպես կայացած, ինքնաբավ քաղաքական միավոր, որ ունի 15 տարվա կենսագրություն, կշարունակի իր գործունեությունը: Իհարկե, մեզ համար շատ դժվար է լինելու, եթե մեր ղեկավարը մեր գլխին կանգնած չլինի:
Սակայն, նաև Գագիկ Ծառուկյանի հորդորով, մենք շարունակելու ենք կուսակցության աշխատանքը թեʹ սոցիալական, թեʹ օրենսդիր, թեʹ այլ ոլորտներում»:
Գագիկ Ծառուկյանի խափանման միջոցի քննության ՈւՂԻՂ միացումը ԱՅՍՏԵՂ
