Թարմացված․ «Էդ միջանցքը պիտի բացենք Արցախի ժողովրդին տիրություն անենք: Եթե տեսնենք կառավարությունն անտարբեր է մեր բարձրացրած հարցերի նկատմամբ, մենք մեր ձևով կանենք: Եթե էս հարցին լուծում չտվեց, մենք մեր ուժով կանենք, ոչ մեկս մեռնելուց չի վախենում»,- Կառավարության դիմաց բողոքի ակցիայի ժամանակ ասաց «Խաչակիրների» ջոկատի հրամանատար Սարգիս Պողոսյանը:

«Կառավարությունը հենց էսօր հստակ պատասխան կտա մեզ, չի տա՝ մենք պատասխանը կտանք հա´մ իրեն, հա´մ արցախցիներին, հա´մ Եռաբլուրին»,- ասաց նա:

Թարմացված․ «Տարբեր մարդիկ գալիս են տարբեր ձևի խոսում են: Միանանք, ինչ պիտի անեք, էդ մասին խոսեք»,- մոտենալով Կառավարության մոտ բողոքի ակցիա իրականացնող պատերազմի մասնակիցներին, ասաց տարեց քաղաքացին:

«Խեղդել են մեզ, արդեն խեղդված ենք.. ես ինքս պատրաստ եմ ամեն ինչի. կյանքս կդնեմ, մենակ թե Ղարաբաղը փրկվի»,- հուզվեց ծերունին: Նա կոչ արեց համայն հայությանը. «Եկեք միանանք, 2 միլիոն հայ ունենք Ռուսաստանում, քնած են: Եկեք տեր կանգնեք ձեր հայրենիքին, Ղարաբաղը ձեռից գնում ա՝ թուրքերը խլում են, ռուսները օգնում են, Նիկոլն էլ գլխավորն ա՝ կամանդիրը...Նիկո´լ, վերանաս դու...Շուշին ի՞նչ գործ ունի թուրքի հետ»,-հուզված բղավում էր տարեց քաղաքացին: