«Սուբվենցիոն ծրագրերը, ըստ էության, կապիտալ ծրագրեր են, դրանք բյուջեում չեն արտացոլվում իբրև կապիտալ ծախսեր, բայց տնտեսության մեջ մտնում են իբրև իրական կապիտալ ծախս՝ իր բոլոր դրական հետևանքներով»,- այսօր Կառավարության նիստի ժամանակ հայտարարեց փոխվարչապետ Սուրեն Պապիկյանը։
«Փոխվել է համայնքի բնակչության ապրելու, ստեղծագործելու, համայնքում արարելու մոտիվացիան։ Այս փուլում համայնքներ այցելելով՝ մենք տեսնում ենք, որ մարդիկ այլ կերպ են սկսում վերաբերվել ՏԻՄ-ին և Կառավարությանը»,- նշեց նա։
«Շատ կարևոր է, որ հասարակությունը հասկանա, թե ինչպես է ձևավորվում սուբվենցիան, ինչ դերակատարում ունի կառավարությունը, համայնքը և կարևոր է նրանց հետևողականությունը։ Այս տարիների ընթացքում ամեն ինչ արել ենք որակի բարձրացման համար, չեմ կարող ասել, որ հասել ենք ամենաբարձր մակարդակին, բայց էականորեն բարելավվել է որակը։ Թե՛ ասֆալտապատման, թե՛ սալարկման, թե՛ ջրամատակարարման բնագավառում ունենք առաջընթաց»,- հավելեց Պապիկյանը։
Ի դեպ, նկատելի էր, որ կառավարության նիստից առաջ՝ մինչ Փաշինյանի նիստերի դահլիճ մտնելը՝ լուսագրերով նախարարներին զգուշացվում էր՝ Խնդրում ենք պահպանել լռություն։
Դիտեք նաև՝