«Մուլտի գրուպ» ընկերության տնօրեն Սեդրակ Առուստամյանը մեղադրվում է մոտ 20 մլն ԱՄՆ դոլար կաշառք տալու մեջ:
Այս մասին հայտնում է News.am-ը, ում հետ զրույցում տեղեկացրել է Առուստամյանի պաշտպան Հովիկ Սուքիասյանը։
Նշենք, որ Առուստամյանն ապրիլի 25-ին Երեւան քաղաքի առաջին ատյանի դատարանի որոշմամբ՝ երկու ամսով կալանավորվել է։ Սուքիասյանը հայտնել է, որ այսօր կամ վաղը վերաքննիչ բողոք է ներկայացնելու կալանավորման որոշման դեմ։
«Մոտ 10 տարի առաջ պայմանագրով, տոկոսով փոխառությամբ գումար է տվել 2 անձի, տարեկան 4%-ով։ Բայց այդ պայմանագրերի ժամկետները երկարացված են 2 անգամ, գործող պայմանագրեր են, իրավական արժեք ունեն. մոտ 20 մլն ԱՄՆ դոլարին համարժեք գումարի մասին է խոսքը։ Պարտավորական իրավունք կա այստեղ, առկա է պայմանագիր»,- ասել է Սուքիասյանը։
Պաշտպանը հայտնել, որ Առուստամյանը վկայի կարգավիճակում հարցաքննվել է դեռեւս 2019 թվականի օգոստոս ամսին.
«Դրանից հետո նրան չեն կանչել հարցաքննության ու հանկարծ ապրիլի 25-ին հրավիրում են հարցաքննության ու կալանավորում։ Այստեղ բացարձակապես իրավաբանություն գոյություն չունի, չկա իրավագիտակցություն»։
Անդրադառնալով համավարակի տարածման խնդրին նաև ՔԿՀ-ներում, Սուքիասյանն ասաց, որ Սեդրակ Առուստամյանը գտնվում է ռիսկային խմբում.
«Առուստամյանը 60-ն անց է, ունի սրտի հետ կապված խնդիր, որի մասին մենք դատարանում բարձրաձայնել ենք»։
Ամբողջական նյութը` սկզբնաղբյուր կայքում
