Այսօր՝ հուլիսի 20-ին, նախկին պատգամավոր, գեներալ Սեյրան Սարոյանը մամուլի ասուլիսի ժամանակ խոսեց այն լուրի մասին, թե իբրև օգոստոսի 18-ին իր՝ Էջմիածնում գտնվող տանը ոստիկանության կողմից իրականացվել է հատուկ գործողության, ինչպես նաև անդրադարձավ այն վարկածին, ըստ որի՝ խուզարկության ժամանակ նա հասցրել է փախչել տան հետնամուտքով.

«Շատ վատ երևույթներ են սկսվել թավշյա հեղափոխությունից հետո, որ սայթը մտնում ես՝ քֆուր-քյաֆար, խայտառակություն... Մի երկու անգամ փորձեցին իմ մասով էլ գրել, իբր եկան, պառկացրին, փռին, հելավ փախավ... Ոստիկանները մեր տուն չեն եկել, հո զոռով չի։ Մթոմ ես կարամ քայլեմ, որ մի հատ էլ փախնեմ: Մեր վառոտից մի հատ մլիցա չի մտել»,- ասաց նա:

Հիշեցնենք՝ «Ժամանակ» թերթը գրել էր, որ «Ոստիկանությունը տեղեկություն է ունեցել, որ Սարոյանի բնակարանում ընթանում է ինչ-որ «ռազբորկա», որի մասնակիցները փողեր ստանալու հետ կապված վիճաբանության մեջ են: Ոստիկանությունը բերման է ենթարկել Սարոյանի տանը հավաքվածներին: Ըստ մի վարկածի՝ Սարոյանը տանը չի եղել, մեկ այլ վարկածով՝ նա հասցրել է փախչել հետնամուտքով»,- նշել էր թերթը:

Կարդացեք նաև՝ Խուզարկություն` Սեյրան Սարոյանի տանը. նա հասցրել է փախչել հետնամուտքով