«Հանուն Հայ զինվորի» ՀԿ ղեկավար Դավիթ Թորոսյանը ֆեյսբուքյան իր էջում տեղեկացնում է․ «Սեփական աղբյուրներից ստացված տեղեկությունների համաձայն, բավականին լարված իրավիճակ է Եղծահող գյուղի ուղղությամբ, թշնամին կիրառում/կիրառել է հետախուզահարվածային ԱԹՍ-ներ, ականանետեր։ Նախնական տվյալներով՝ ունենք մի քանի վիրավոր, որոնց կյանքին վտանգ չի սպառնում»։ ԱՀ ՊՆ մամուլի ծառայության հաղորդագրությունը Օգոստոսի 3-ին, ժամը 09։00-ից սկսած, ադրբեջանական ստորաբաժանումները կոպիտ կերպով խախտել են հրադադարի ռեժիմը՝ ՊԲ դիրքերի ուղղությամբ կիրառելով նռնականետեր և ԱԹՍ-ներ, ինչի հետևանքով վիրավորում է ստացել 7 զինծառայող, որից 6-ի կյանքին վտանգ չի սպառնում, մյուս վիրավորի վիճակը գնահատվում է ծանր: Արցախի Հանրապետությունում խաղաղապահ առաքելություն իրականացնող ՌԴ զորախմբի հետ միջոցներ են ձեռնարկվում իրադրությունը կայունացնելու ուղղությամբ։
|