Երևանի փոխքաղաքապետ Տիգրան Ավինյանը լուսանկարներ է հրապարակել ֆեյսբուքյան իր էջում ու գրել է․
Իտալիայի Նեապոլ քաղաքի Սուրբ Գրիգոր Հայի (Սուրբ Գրիգոր Լուսավորչի) անվան եկեղեցում, որտեղ պահվում են Լուսավորչի մասունքները՝ տեղադրվեց երկլեզու ցուցանակ:
Լուսավորիչը Նեապոլ քաղաքի երկրորդ պահապան սուրբն է:
Սուրբ Գրիգոր Հայի Եկեղեցուն հարակից համանուն փողոցը ոչ միայն Նեապոլի, այլև Իտալիայի ամենահայտնի և իտալացիների և օտարերկրացիների ամենասիրված փողոցներից մեկն է:
Ավելի վաղ էլ՝ Տիգրան Ավինյանը գրել էր․
Իտալիայի Նեապոլ քաղաք աշխատանքային այցի շրջանակում հանդիպում ունեցա Նեապոլի քաղաքապետ պրոֆեսոր Ջայտանո Մանֆրեդիի հետ, ում նաև սիրով հրավիրեցի այցելել մեր քաղաք:
Պայմանավորվեցինք համագործակցության հուշագիր ստորագրել մեր քաղաքների միջև՝ փոխադարձաբար Երևանն ու Նեապոլն ավելի լավը դարձնելու հանձնառությամբ: