Եվրասիական տնտեսական Բարձրագույն խորհրդի նիստից եւ «Եվրասիական մայրցամաքի տարանցման ներուժը» թեմայով միջազգային համաժողովից հետո հանդիպել են ՀՀ վարչապետ Նիկոլ Փաշինյանն ու ՌԴ նախագահ Վլադիմիր Պուտինը:
ՀՀ վարչապետը ողջունել է ՌԴ նախագահին, ասել, որ Ռուսաստանը կարեւոր դաշնակից եւ գործընկեր է Հայաստանի համար ու ինքն ուրախ է ԵԱՏՄ նիստի շրջանակներում Հայաստանում հյուրընկալել Վլադիմիր Պուտինին:
ՌԴ նախագահն էլ շնորհավորել է ՀՀ վարչապետին՝ Եվրասիական տնտեսական Բարձրագույն խորհրդի նիստը պատշաճ մակարդակով կազմակերպելու համար եւ նշել է, որ ինքն էլ իր հերթին ցանկանում է ընդգծել Հայաստանի հետ հարաբերությունների կարեւոր եւ ստրատեգիական նշանակությունը:
