Հայաստանի Հանրապետության վարչապետի պաշտոնում նշանակվելու կապակցությամբ Նիկոլ Փաշինյանին շնորհավորական ուղերձ է հղել Ռուսաստանի Դաշնության կառավարության նախագահ Դմիտրի Մեդվեդևը:
Դմիտրի Մեդվեդևը ՌԴ կառավարության և իր անունից շնորհավորել է Նիկոլ Փաշինյանին, մաղթել քաջառողջություն և հաջողություններ պատասխատանու պետական գործունեության մեջ:
ՌԴ կառավարության նախագահը համոզմունք է հայտնել, որ միջկառավարական մակարդակով ռուս-հայկական փոխգործակցության ակտիվացումը կնպաստի առևտրատնտեսական, էներգետիկայի, տրանսպորտի, ենթակառուցվածքների և մշակութային-հումանիտար ոլորտներում համագործակցության ամրապնդմանը, բարենպաստ պայմաններ կստեղծի հեռանկարային նախաձեռնությունների իրականացման համար, ինչպես նաև կխթանի ԵՏՄ շրջանակում ինտեգրացիոն ներուժի լիարժեք բացահայտումը:
Հիշեցնենք, որ երեկ Նիկոլ Փաշինյանին շնորհավորական ուղերձ էր հղել Ռուսաստանի Դաշնության նախագահ Վլադիմիր Պուտինը:
