«Ռուսները հեչ կրեատիվ ազգ չեն: Մի տեղ, մի բան չլսեն: Նկարում պատկերված շամանը Յակուտիայից ոտքով գնում է Մոսկվա՝ Պուտինին հեռացնելու: Չիտայում արդեն միտինգ է արել ու 700 մարդ հավաքել: Դե իսկ Մոսկվայում, ինչպես գիտեք, սպասում են նրան»,-գրել է Վահրամ Թոքմաջյանը ֆեյսբուքյան իր էջում:
Հիշեցնենք, որ Մոսկվայի Սախարովի պողոտայում կրկին հանրահավաք է ընթանում։ Հավաքվածները պահանջում են արդար եւ ազատ ընտրությունների իրավունք։ Այս հանրահավաքը, ի տարբերություն նախորդների, արտոնված է։ Հանրահավաքներ ընթանում են նաեւ Ռուսաստանի այլ քաղաքներում։
Հիշեցնենք նաև, որ դեռեւս նախորդ ամսվանից Մոսկվայի քաղաքային դումայի ազատ ընտրությունների պահանջով բողոքի ակցիաներ են անցկացվում: Առաջին հանրահավաքը ավարտվել է բախումներով, կային հարյուրավոր բերման ենթարկվածներ։
