Հայաստանի վարչապետ Նիկոլ Փաշինյանը ևս մեկ անգամ մեկնաբանել է իրադրությունը Լաչինի միջանցքում՝ ասելով, որ «նոյեմբերի 9-ի եռակողմ հայտարարությամբ նման իրավիճակ չպետք է լիներ ընդհանրապես»:
«Լաչինի միջանցքում ստեղծված իրավիճակը մտահոգիչ է և դատապարտելի, որ ի հեճուկս նոյեմբերի 9-ի եռակողմ հայտարարության, ունենք այն, ինչ ունենք: Իսկ նոյեմբերի 9-ի եռակողմ հայտարարությամբ նման իրավիճակ չպետք է լիներ ընդհանրապես և հույս ունեմ, որ նաև միջազգային մեր գործընկերների ջանքերի և ուղիղ հաղորդակցությունների, նաև որոշակի քննարկումների արդյունքում մեզ կհաջողվի այս իրավիճակը կարգավորել», - ասել է Փաշինյանը՝ նախագահ Վահագն Խաչատուրյանի հետ հանդիպման ժամանակ։
