ԱԳ նախարար Զոհրաբ Մնացականյանը և Քալիֆորնիայի նահանգապետ Գևին Նյուսոմը ստորագրեցին տնտեսական համագործակցության և զարգացման խթանման, համատեղ հետազոտության և զարգացման դյուրացման, գործարար հարաբերությունների և կրթական հնարավորությունների ընդլայնման նպատակների վերաբերյալ համաձայնագիրը։
Այս մասին հաղորդում է ՀՀ Արտաքին գործերի նախարարությունը: 
ՀՀ վարչապետ Նիկոլ Փաշինյանն էլ ֆեյսբուքյան իր պաշտոնական էջում այս առնչությամբ տեսանյութ է հրապարակել, որին կից գրել է. «Նյու Յորքում Հայաստանի և Քալիֆորնիայի միջև ստորագրվեց համագործակցության Շրջանակային համաձայնագիր»:
