▲ Դեպի վեր

lang.iso lang.iso lang.iso

«Ոստիկանապետը ուրիշ հերոսի անուն չգիտի». Վստրեչի Ապերի եղբոր որդուն տարել են ոստիկանություն

Այսօր իրավապահները ոստիկանություն են բերման ենթարկել «Վստրեչի Ապեր» անունով հայտնի հեղինակություն Արամ Վարդանյանի եղբոր որդուն՝ Արման Վարդանյանին:

armlur.am-ն է գրում ու նշում է, որ փորձել է  տեղեկությունը պարզել Արամ Վարդանյանից, որն ի պատասխան հայտնել է. «Ոչ միայն այսօր, այլև ամեն օր, օրը մեջ կամ երեք օրը մեկ, եղբորս տղային՝ Արման Վարդանյանին, ինչպես նաեւ իմ մտերիմ շրջապատի մարդականց տանում են ոստիկանություն: Ոստիկանապետը ուրիշ հերոսի անուն չգիտի, երեւի ցանկանում է ինձ պառկեցնի, մի հատ էլ նկարեն, որ կարողանա վերանշանակվի իր պաշտոնին»:

Հարցին՝ ի՞նչ են արել կոնկրետ իր մտերիմները, որ նրանց ամեն օր, պառկեցնելով, տանում են ոստիկանության բաժին, Արամ Վարդանյանն ասել է. «Իրենք ուրիշ հերոսի անուն չգիտեն. հիմա կարգին հաղորդման սկետչերը ակտուալ են դարձել, ես էլ այդ սկետչի օրինակն եմ ասում, որ իրենք այլ հերոսի անուն չգիտեն, ուրիշ այլ պատճառը չկա: Միգուցե, ինձ են ցանկանում պառկեցնել ու նկարել, ու երեւի չեն կարողացել, չի ստացվել, ընկել են հոգեխանգարմունքի մեջ. ուրիշ բացատրություն ես այս ամենին չունեմ»:

Իսկ այն հարցին՝ գուցե իր կամ իր ընտանիքի դեմ ոստիկանության գործողությունները պայմանավորված են «Հայկական ժամանակ» օրաթերթի ինտերնետային կայքում հրապարակված հոդվածի հետ, որտեղ ներկայացված են տարբեր անուններ, ովքեր ՀՀ վարչապետի ու նրա ընտանիքի անդամներին վարկաբեկելու գործընթաց են սկսել (այնտեղ կար նաև իր անունը), Արամ Վարդանյանը շեշտել է. «Ես այդ մասին հայտարարություն տարածել եմ՝ նշելով, որ չփորձեն ինձ ներքաշել քաղաքական խաղերի մեջ: Զգուշացնում եմ` միշտ հիշեք, որ վաղ թե ուշ իրականությունը պարզվում է, ամոթով է մնում ու տուժում է սուտը հնարողն ու տարածողը»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Բլոգ ավելին