Համահայկական երիտասարդական շարժման անդամները հայտարարել են, որ ապրիլի 9-ին հայտարարում են ԴԱՍԱԴՈՒԼ և ժամը 09:00-ին հավաքվելու են ԵՊՀ կենտրոնական մասնաշենքի մոտ, որից հետո շրջելու են տարբեր ԲՈՒՀ-երով և երթով ուղևորվելու են Ազատության հրապարակ:
Շարժման անդամները նաև հիշեցրել են, որ դասադուլի դիմելը յուրաքանչյուր ուսանողի իրավունքն է, այն չի սահմանափակվում որևէ օրենքով:
Եթե ուսանողների հանդեպ կիրառվեն ճնշումներ, զգուշացումներ, ահաբեկումներ, շարժման անդամները խնդրում են դիմել իրենց և վստահեցնում են, որ իրավաբանները կպաշտպանեն նրանց իրավունքները:
