▲ Դեպի վեր

lang.iso lang.iso lang.iso

«Ո՞վ է իրավունք տվել Աղավնոյի բնակիչներից խլել սեփականությունը, թե՝ ա՛ռ էս սերտիֆիկատը և հայդե՜ Երևան»

Լրագրող Վարդ Սիմոնյանի գրառումը. «Մի րոպե․․․իսկ կարո՞ղ է մի այլընտրանքային տեսակետ էլ ապրելու իրավունք ունենալ։ Եթե այո, ապա՝ հարց․ Արցախի կառավարությունն ինչո՞ւ է Աղավնոյի բնակիչներին տնահան անում, էն էլ այդպիսի ստրատեգիկ բնակավայրից։ Վաղն էլ ամբողջ Արցա՞խն է շեն-շեն դատարկելու։ Հիմա էլ հո նախորդ դարի 88 թվականը չի՞, չի՞ կարելի տեսախցիկներ տեղադրել ողջ բնակավայրով մեկ և շուրջօրյա վերահսկողության տակ պահել ամեն մի շարժ։ Իսկ ազգամիջյան ցանկացած պրովոկացիա, ցանկացած խտրականություն դարձնել միջազգային քննության առարկա։

Աղավնոյի բնակիչներն ունեն սեփականություն՝ տուն, տեղ, հող, ով է որևէ մեկի իրավունք տվել նրանցից խլել իրենց սեփականությունը, թե՝ առ էս սերտիֆիկատը և հայդե՜ Երևան։ Հակառակը՝ ամրացրեք էս ռազմավարական կետը, եթե պետք է մարդկանց զենք բաժանեք, թող պաշտպանեն իրենց ապրելու, սեփականությանը տիրապետելու իրավունքը, ավելին՝ կրկնապատկեք, եռապատկեք բնակիչների թիվը։ Աղավնոն էլ թող դառնա ձեր տարփողած խաղաղության առաջին աղավնին, բա եթե երկու երկրների հասարակություններին քիչ-քիչ իրար չեք մոտեցնելու, միմյանց հետ համակեցություն չեք ստեղծելու, ինչո՞ւ եք ամբողջ օրը գլուխներս տանում ձեր խաղաղասիրական տնքոցներով։

Եվ այո՝ վաղն էս կարճ տրամաբանությամբ ամբողջ Արցախն եք փախստական սարքելու՝ բոխչաները կապած գցեք դռնեդուռ։ Ինչքան կարելի է գնալ մտքին հակառակ ուղղությամբ․․․ Բա էդ ոնց եք, 7 մլններով ապրում աշխարհի բոլոր ծագերում, էդ պետությունների ուշքը գնո՞ւմ է հայ ու Հայաստանի համար։ Եվ խնդրում եմ՝ չշահարկեք անվտանգության հարցը, էս խելապակաս աշխարհը վաղուց է լափել դրա վերջին փշրանքները, ոչ մի տեղ էլ ոչ մի անվտանգություն չկա։ Չշարունակեմ, որ խոսքիս տոնը չփոխվի․․․․»։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին