«Հայելի» ակումբում ասուլիսի ժամանակ պահեստազորի գնդապետ Վոլոդյա Հովհաննիսյանն անդրադարձել է Բրյուսելում տեղի ունեցած եռակողմ հանդիպմանն ու այսպես կոչված խաղաղության պայմանագրին: «Ասում ենք՝ հանձնեց Արցախը, ո՛չ, նա ավելի է հանձնել, նա մեր ապագան է ոչնչացրել: Այս պայմանագրի համաձայն, Փաշինյանը հանձնում է 5000 քառ. կմ ՀՀ տարածքից, 11 գյուղ, Զոդի ոսկու հանքը, Արցախը՝ ամբողջությամբ, Նախիջևանը: Նախիջևանը իրավաբանորեն Ադրբեջանի տարածք չի համարվում: Տալիս է Տիգրանաշեն գյուղը, որը ռազմավարական միակ ճանապարհն է դեպի Մեղրի, տալիս է՝ դեպի Վրաստան ու Իրան գնացող միջպետական երկու ճանապարհներ»,- ասել է բանախոսը: