Հետևեք նաև Asekose.am-ին՝ տելեգրամում։
Անկախության օրն անմոռանալի համերգային կատարումների մասին Հանրայինի ազդագիրը կոշտ քննադատությունների առիթ է տվել համացանցում։
ԱրմԲլոգ կայքը գրում է, որ այդ հայտարարությունն իհարկե հասկանալի ու ըմբռնելի կլիներ, եթե չլիներ սեպտեմբերի 12-ի լույս 13-ի գիշերը թշնամու կողմից սանձազերծված ռազմական ագրեսիան, որի հետևանքով, ցավոք, հայկական կողմն ունեցավ մոտ երկու հարյուր զոհ․ «Այս հայտարարությունն արվում է այն դեպքում, երբ պաշտոնապես հայտարարվել է, որ հանրապետությունում անկախության տոնին նվիրված միջոցառումները չեղարկվում են․․․»։
starnews.am-ն էլ այս առիթով գրում է․ «Հանրայինի գլխավոր պրոդյուսերը` Տիգրան Վիրաբյանը, ոչ միայն հեռու է իր մասնագիտությունից, այլ նաև հեռու է երկրում տեղի ունեցող իրավիճակից, որ չի գիտակցում, որ ԱՆՄՈՌԱՆԱԼԻ պետք է մեր հերոսների անունները լինեն, ոչ թե իր պատրաստած կամ նկարահանած համերգները…»։
Ֆեյսբուքյան օգտատեր Բարսեղ Սաքունցն էլ գրել է․ «Տիգրան Վիրաբյանը լավ կաներ սեպտեմբերի 21-ի եթերում ցուցադրեր վերջին եռօրյա և 2020-ի 44-օրյա պատերազմի մեր նահատակ հերոսների անուններն ու նկարները․․․ բայց դե գիտենք, որ նա պետք է հանձնարարություն ստանա կառավարությունից, որն , ավաղ, մինչ օրս չի հրապարակել ոչ զոհերի կոնկրետ թիվը, ոչ էլ բոլոր զոհերի անունները»։