Թարմացված․ Հիվանդանոցից հաղորդում են, որ իրենց մոտ տեղափոխված 6 վիրավորներից 2-ը մահացել են: Ավելի վաղ հայտնել էինք մեկ մահացածի մասին:
Թարմացված․ Կայքերը գրում են, որ վիրավորներից մեկը` տարեց տղամարդ, մահացել է: Երիտասարդ վիրավորներից մեկի ոտքն են անդամահատել և մեծ դժվարությամբ կյանքը փրկել: Կան երիտասարդ վիրավորներ, որոնց աչքերն են վառվել պայթյունի հետևանքով:
***
|
Այսօր՝ սեպտեմբերի 10-ին, արտակարգ դեպք է տեղի ունեցել Կոտայքի մարզում։ Ժամը 16:50-ի սահմաններում ՀՀ Ներքին գործերի նախարարության Ոստիկանության Կոտայքի մարզային վարչությունում, ոստիկանության Հրազդանի բաժնում և ՀՀ ՆԳՆ Ոստիկանության Պարեկային ծառայության Կոտայքի մարզի գումարտակում օպերատիվ տեղեկություններ են ստացվել, որ Հրազդան քաղաքի հարակից ձուլարաններից մեկում պայթյուն է տեղի ունեցել և կան տուժաժներ։ Ինչպես դեպքի վայրից հայտնում է ֆոտոլրագրող Գագիկ Շամշյանը, նշված վայրից 6 հոգու տարբեր աստիճանի մարմնական վնասվածքներով տեղափոխել են Հրազդան բժշկական կենտրոն։ Դեպքի վայրում հավաքված քաղաքացիները ասում էին, որ վիրավորներից 2-ի ոտքերը եղել են անդամահատված։ |
