Շիրակի մարզի Պեմզաշեն համայնքում լարված վիճակ է։

Քիչ առաջ հայտնի դարձավ, որ մորն ու անչափահաս 2 երեխաների սպանության դեպքը բացահայտվել է. 32-ամյա մի տղամարդ ձերբակալվել է, նա խոստովանել է կատարած հանցանքը։

MediaHub.am-ի տեղեկություններով, տղամարդու ձերբակալությունից հետո զոհերի հարազատները փորձել են վրեժխնդիր լինել նրա ընտանիքից։

Սակայն, ըստ մեր աղբյուրի, ոստիկանները հասցրել են միջամտել և գյուղից հեռացնել իր խոստովանությամբ 3 մարդու կյանք խլած տղամարդու ընտանիքի անդամներին։

Նշենք, որ այդ ընթացքում բախում է եղել ոստիկանների ու դաժանաբար սպանված 3 քաղաքացիների հարազատների միջև։ Վերջիններիս հունից հանել է հանգամանքը, որ ոստիկանները պաշտպանում են ձերբակալվածի հարազատներին։

Հավելենք, որ այս պահին ոստիկանները փնտրում են դաժան սպանությանը մասնակցելու մեջ կասկածվող ևս մեկ քաղաքացու, որն, ըստ նախնական վարկածի, սպանված 32-ամյա կնոջ հեռու ազգականն է։

Shamshyan.com-ի տեղեկություններով, սպանություն կատարող կասկածյալ տղամարդը բավականին տեղեկացված է եղել սպանվածների ընտանիքի նիստուկացին, իմացել է , որ ամուսինը գտնվում է արտագնա աշխատանքի արտերկրում, իմացել է նաև, որ տան բակում շուն կա։

«Ու քանի որ նա բազմաթիվ անգամներ է սպանվածների տան մոտով անցել ու շունը երբևէ իր վրա չի հարձակվել, իրեն տեսնելիս չի հաչել, սպանության գիշերը առանց դիմակ՝ բաց երեսով մտել է այդ տուն և փորձել է իր սև գործն անել (նախաքննության շահերից ելնելով, այդ մասին նույնպես այս պահին չենք հրապարակում)։