A1plus.am-ը գրում է, որ սնանկացած «Կրեպսոն» ընկերության տնօրեն Արման Երեմյանը իր ներկայիս վիճակի համար մեղադրում է Դավիթաշենի նախկին թաղապետ, ներկայիս ԱԺ պատգամավոր Արթուր Գեւորգյանին։
2007-ին Արման Երեմյանը Դավիթաշենում գյուղմթերքի մանրածախ առևտրի կենտրոն է ստեղծել` ներդնելով շուրջ 12 մլն դրամ։ Դավիթաշենի նախկին թաղապետ Արթուր Գեւորգյանը խախտել է պայմանավորվածությունը և վարձակալության դիմաց պահանջել ամսական 1 մլն դրամ, առանց իրավական փաստաթղթի։
Արման Երեմյանը դիմել է դատարան եւ պահանջում է պատասխանատվության ենթարկել Արթուր Գեւորգյանին և Վաչագան Մանուկյանին՝ իրեն սնանկության հասցնելու համար։ Իսկ մինչ այդ նա հայտարարում է. «Եթե իմ հետ մի բան պատահի, իմ ընտանիքի, իմ երեխաների, այդ պատասխանատվությունը կրում է ՀՀ ոստիկանապետ Վլադիմիր Գասպարյանը»։ Արթուր Գեւորգյանը նրա փեսան է։
Նյութը` սկզբնաղբյուր կայքում
