Ռուսաստանի գլխավոր դատախազությունը որոշել է բավարարել ՀՀ դատախազության հարցումը ավազակությանը մասնակցելու համար հետախուզվող ՀՀ ԱԺ նախկին պատգամավոր Լևոն Սարգսյանի (Ալրաղացի Լյովիկ) արտահանձման վերաբերյալ։
Այս մասին գրում է РИА Новости-ն՝ հղում անելով գերատեսչությանը: Ըստ աղբյուրի՝ Լևոն Սարգսյանին մինչև 15 տարվա ազատազրկում է սպառնում:
Հիշեցնենք, որ Լեւոն Սարգսյանը հայտնաբերվել եւ ձերբակալվել էր նոյեմբերի 21-ին ՌԴ Մոսկվայի մարզի Զելենոգրադ քաղաքում: Նա հետախուզման մեջ էր 2018 թվականի հոկտեմբերի 1-ից: Երեկ հայտնի դարձավ, որ դատարանը բավարարել է ՌԴ իրավապահների միջնորդությունը եւ 40 օրով կալանավորել Սարգսյանին:
Նա ներգրավվել էր որպես մեղադրյալ՝ կազմակերպված խմբի կազմում առանձնապես խոշոր չափերով գույք հափշտակելու նպատակով ավազակային հարձակում կատարելու և հանցավոր համագործակցությանը մասնակցելու համար: Սարգսյանի նկատմամբ որպես խափանման միջոց ընտրվել էր կալանավորումը: