Ռուսաստանի խաղաղապահ զորախմբի զինծառայողներն ապահովում են տրանսպորտային միջոցների երթևեկության անվտանգությունը և քաղաքացիների տեղաշարժը ԼՂ Լաչինի միջանցքով:
Այս մասին այսօր հաղորդել է ՌԴ Պաշտպանության նախարարությունը:
«Խաղաղապահներն ապահովում են քաղաքացիական տրանսպորտային միջոցների անվտանգությունը և Լաչինի միջանցքով բնակիչների տեղաշարժը, պարենային և այլ ապրանքների տեղափոխումը ԼՂ, ուղեկցում և ապահովում են ենթակառուցվածքային օբյեկտները վերականգնելու համար ԼՂ մեկնող աշխատող խմբերի անվտանգությունը»,- ասված է հայտարարության մեջ:
Ըստ ռուսական տվյալների՝ ավելի քան 26 հազար բնակիչներ արդեն վերադարձել են իրենց բնակության վայրերը:
Ինչպես հայտնի է՝ Քաշաթաղի շրջանն անցել է Ադրբեջանին. տրվել է 5 կմ ճանապարհային միջանցք, որն ապահովելու է Հայաստանի կապն Արցախի հետ:
