«Իրավական տեսանկյունից կարող եմ ասել, որ քրեական գործ է հարուցվել դեպքի առթիվ, և Հրայր Թովմասյանը որևէ կարգավիճակ չունի այդ քրեական գործում, հանգամանքները պարզելու համար որոշակի մարդիկ հրավիրվում են ԱԱԾ, պետք է հետևենք ընթացքին, հասկանանք` ինչ է կատարվում, իսկ քաղաքական մասով կարող եմ ասել՝ եկեք վերադառնանք մեր իրականություն, հիշենք բոլոր այն գործընթացները, որ նախկինում են տեղի ունեցել՝ Սահմանադրական դատարանի նախագահի ընտրության հետ կապված:
Ինձ մոտ այն տպավորությունն է, որ էս բոլոր պրոցեսներում մոռանում ենք, թե անցյալում ինչ է տեղի ունեցել: Ես միանշանակ վստահ եմ, որ ՍԴ-ն էս պահի դրությամբ ունի լեգիտիմության խնդիր: Ես չէի ուզենա, որ քաղաքական ճնշում դիտվեր որևէ գործ, որը գտնվում է իրավապահների դաշտում, քաղաքական առումով պետք է արձանագրենք, որ խնդիր կա ՍԴ-ում, և այդ խնդիրը պետք է լուծում ստանա, քանի դեռ լեգիտիմության խնդիր կա, կառույցը չի կարող գործել իր ողջ հզորությամբ: Պետական ինստիտուտը պետք է ներշնչի հարգանք, բայց և չենք կարող աչքներս փակել էն բոլոր խնդիրների վրա, որոնք կան էնտեղ: Կարծում եմ` լուծումների մասին պետք է մտածել, որովհետև սա համընդհանուր խնդիր է: Գործադիրը որոշակի նախաձեռնություն պետք է ներկայացնի այս խնդիրը լուծելու համար»,- լրագրողների հետ զրույցում ՍԴ-ի և Հրայր Թովմասյանի շուրջ կատարող զարգացումներին անդրադարձել է փոխվարչապետ Տիգրան Ավինյանը:
Դիտեք նաև՝