Շենգավիթում այսօր հնչած կրակոցների հետեւանքով մահացածը թաղային հեղինակություն 43-ամյա Համբարձում Առաքելյանն է։
«Հայկական ժամանակ»-ն է գրում և նշում, որ տեղի ունեցած միջադեպի ժամանակ վիրավորվածը Շենգավիթում գործող «Մաքս» սուպերմարկետի սեփականատերն է։ Ըստ նախնական վարկածի՝ վիճաբանությունը տեղի է ունեցել նրա եւ Համբարձում Առաքելյանի միջեւ։
Հիշեցնենք, որ այսօր ժամը 18:30-ի սահմաններում, ոստիկանության Շենգավիթի բաժին ահազանգ է ստացվել, որ Շենգավիթ վարչական շրջանի Եղիշե Թադեւոսյան փողոցում կրակոցներ են հնչել եւ կան վիրավորներ:
Ոստիկանները նշված վայրում հայտնաբերել են մի քանի զենքերից կրակված պարկուճներ, այդ թվում՝ ավտոմատի, «Մակարով» եւ թմբուկավոր տեսակի ատրճանակների, դանակներ եւ արնանման հետքեր: Այս պահին դեպքի վայրի զննություն են կատարում Հայաստանի քննչական կոմիտեի Երեւան քաղաքի քննչական վարչության Շենգավիթի քննչական բաժնի քննիչները: