ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանն այսօր հրավիրված ասուլիսին տեղեկացրեց, որ սեպտեմբերին սպասվում է բավական տաք եղանակ, այնպես, ինչպես օգոստոսին էր:

«Օդի միջին ամսական  ջերմաստիճանը կլիմայական նորմայից բարձր կլինի մոտ 2 աստիճանով, տեղումները կլինեն նորմայի սահմաններում: Սեպտեմբեր ամսին տեղումներն այնքան էլ չեն լինի»,- ասաց նա:

Երևանում, ըստ Սուրենյանի, հիմնականում ամսվա ընթացքում օդի ջերմաստիճանը կտատանվի +34-ից +35 աստիճանի սահմաններում, իսկ գիշերային  ջերմաստիճանը ամենացածրը +10-ից +12 աստիճան կլինի:

Գագիկ Սուրենյանը նշեց, որ ամբողջ աշնան համար կանխատեսումներ չեն կարողանել. դեռևս  միայն կարող են ասել, որ սեպտեմբերը կլինի օգօստոսի նման տաք, իսկ հոկտեմբերին տեղումների քանակը նորմայից բարձր է լինելու։