▲ Դեպի վեր

lang.iso lang.iso lang.iso

«Սեռը փոխողին՝ 25 հազար դոլար. սրանք ուզում են մեզ դարձնել չհայ». Սերժ Սրապիոնյան

 

Հանրահավաքի բեմից ԵՊՀ դասախոս Սերժ Սրապիոնյանն զգուշացրեց՝ իշխանության ներկայացուցիչներն իրենց կեղտոտ թաթերը մղում են դեպի մեր հոգիները, մեր ավանդական, մեր հայկական, մեր պապենական հոգիները պղծել են ուզում: «Արդեն քանի օր մամուլում շրջանառվում է, մի լուր, թե պատրաստված է նախագիծ սեռափոխության մասին, որտեղ թույլ են տալու, որ նույնասեռ մարդիկ ամուսնանան և դա գրանցվելու է պետականորեն՝ գրանցման սեղաններում: Թույլ են տալու, որ մարդը որոշի իր սեռը փոխել և պետությունը դրան այդ վիրահատության համար տալու է 25 հազար դոլար, որպեսզի մարդը փոխի իր սեռը: Թույլ են տալու, որ այդ մարդը այդ դեղերն ընդունի և ստանա 2 միլիոն դրամ դրա համար: Ինչ է սա նշանակում՝ կտրել արմատից մեզ, դարձնել չհայ, իսկ մենք հայ ենք ծնվել: Ես այդ նախագծի հեղինակին մի հարց եմ ուզում հղել: Երբ ոչ բարով-խերով ինքն ամուսնանա և երեխա ունենա, էդ երեխայի սեռը գրանցելու է ծննդից հետո՞, թե սպասելու է՝ 18 տարի հետո երեխան որոշի՝ ինքը կի՞ն է, թե՞ տղամարդ: Եվ ինքը խնջույքի սեղան բացելո՞ւ է զավակ ունենալու համար, թե չէ: Այս մարդիկ եկան խաբելով մեզ ամենաստոր, ամենացինիկ, ամենալկտի, մարդկային ուղեղի համար անհասկանելի ձևերով»,- ասաց նա:

Վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Քաղաքականություն ավելին