Կառավարության նիստի ժամանակ տիեզերական ոլորտում գործունեությանն արտոնություն տալու հարցի քննարկման ժամանակ սկանդալային արտահայտություն արեց Քաղաքաշինության կոմիտեի նախագահ Վահագն Վերմիշյանը: Խոսք վերցնելով՝ Վերմիշյանն ասաց, որ ի տարբերություն 100 միլիոն բնակիչ ունեցող շատ երկրների, տիեզերագնացության ոլորտում Հայաստանն ունի պատմություն: Նա հիշեցրեց, որ կան Գրիգոր Գյուրզադյանի օպտիկական սարքերը, որոնք առ այսօր օգտագործվում են տիեզերագնացության մեջ:
«Շատ ճիշտ օրինագիծ է Հակոբ Արշակյանի ներկայացրածը: Մենք պիտի հարց տանք՝ ինչ երկիր ենք ուզում, ում համար ենք ուզում էս երկիրը՝ հնդիկների, պակիստանցիների, թե ինտելեկտուալ մարդկանց համար», – ասաց նա:
Միջամտեց վարչապետ Նիկոլ Փաշինյանը.
«Պարոն Վերմիշյան, կոռեկտ արտահայտություն չեք անում»:
Վերմիշյանը պարզաբանեց.
«Այսինքն ցածր կրթական ցենզ ունեցողների, թե ինտելեկտուալների համար»:
Մանրամասն՝ տեսանյութում։
