«Քաղաքացու որոշում» սոցիալ-դեմոկրատական կուսակցության հիմնադիր Սուրեն Սահակյանն ու նրա համախոհները Մաշտոցի պուրակում վրան են տեղադրել։ Այս մասին տեղեկանում ենք Սահակյանի ֆեյսբուքյան էջի ուղիղ եթերից․ «Այսօրվանից 24 ժամ լինելու ենք Մաշտոցի պուրակում, քաղաքացիները կարող են մոտենալ, մասնակցել քննարկումների»,- նշել է նա։

Հիշեցնենք՝ ՀՀ փոխոստիկանապետը, մոտ 40 համազգեստով և մոտ 10 քաղաքացիական հագուստով ոստիկաններ կեսգիշերին Մաշտոցի պուրակից բերման էին ենթարկել Սուրեն Սահակյանին, Վահագն Մինասյանին ու Հայկ Սահակյանին։

Նրանք փորձում էին վրան տեղադրել, որպեսզի առաջիկա շաբաթը անցկացնեն շուրջօրյա հանդիպում-քննարկումներ անցկացնելով։ Այդ քննարկումների նպատակն է ձևավորել նախաձեռնող շտաբ՝ Հայաստանին սպառնացող վտանգները չեզոքացնելու նպատակով։

Ավելի ուշ նրանք ազատ են արձակվել։