«Տասնյակ հազարավոր հայեր ունենք, որ ապրում են ուրիշ երկրներում: Իրենք վաղուց դադարել են հայ լինելուց, որովհետև ապրում են ուրիշ պետության մեջ: Էսօր Սփյուռքից 10 անգամ ավելի մեծ արտագաղթ կա, քան Հայաստանից` մարդիկ կորցնում են իրենց ինքնությունը: Չեն խոսում հայերեն, չեն գրում հայերեն, չեն պահպանում ավանդույթները: Կներեք, բայց Նոր տարուն բուդ չեն սարքում սեղանին դնում կամ խորոված չեն անում մանղալի վրա և կորցնում են ինքնությունը»,- ընտանեկան փոդքասթի եթերում ասել է  Նիկոլ Փաշինյանը:

***

««Իրական Հայաստանը» գծում է սահմանը Հայաստանի Հանրապետության, և այդ միջազգայնորեն ճանաչված սահմանն անձեռնմխելի է, և այդ սահմանի նկատմամբ ոտնձգությունը հանցագործություն է։

Բայց մյուս կողմից էլ պետք է հստակ ասել՝ Արևմտյան Հայաստան ասելով՝ մենք հասկանում ենք Արմավիրի մարզի, Արագածոտնի մարզի, Թալինի տարածաշրջան, Բաղրամյանի, Մարալիկի տարածաշրջան, և մենք Արևելյան Հայաստան ասելով՝ հասկանում ենք Իջևանը, Բերդը, Հյուսիս-արևելյան՝ Վարդենիսը․ Խորհրդային Հայաստանի ադմինիստրատիվ սահմանները, որ Ալմաթիի հռչակագրից հետո դարձել է միջպետական սահմանը, և այդ միջպետական սահմանն այսօր դելիմիտացիայի արդյունքում, ըստ էության, արձանագրվել է ինչպես Կիրանցում, այնպես էլ պետք է շարունակի արձանագրվել»,- ընտանեկան փոդքասթի 2-րդ թողարկման ընթացում հայտարարել է Նիկոլ Փաշինյանը։

Ընտանեկան փոդքասթի եթերում Նիկոլ Փաշինյանը կրկին խոսել է իր կողմից բազմիցս թմբկահարված «Իրական Հայաստան»-ի մասին:

«Իրական Հայաստանի» գաղափարախոսությունը պետք է զարգանա և դառնա «Իրական տարածաշրջան»-ի գաղափարախոսություն: Սա շատ կարևոր նրբություն է: Երբ որ Ադրբեջանից Հայաստանի վերաբերյալ ասում են «Արևմտյան Ադրբեջան», դա ուղիղ ագրեսիվ հռետորաբանություն է ինքնիշխան պետության նկատմամբ: Ըստ էության, հենց «Իրական Հայաստանն» է դրա հակազդելու ձևը: Կան երկրներ` իրենց տարածքային ամբողջականությամբ, ինքիշխանությամբ, այդ գիծն անցնելն արդեն նշանակում է դիմացինի ապրելու իրավունքը դնել կասկածի տակ»,- ասել է Փաշինյանը: