Տեր Զարեհ Աշուրյանը ֆեյսբուքյան իր էջում գրում է․ «Սիրելիներ երեկ հովվական այցի շրջանաներում Արցախից բռնի տեղահանվածների ժամանակավոր հավաքատեղիներում հայտնաբերեցինք անհայտ ծագումով կրոնական բովանդակությամբ գրականություն՝ նախատեսված մանուկների համար:
Պարզվում է, որ կրոնական կազմակերպություններն և աղանդները փորձում են ստեղծված իրավիճակում իրենց պիղծ և ազգակործան քարոզչությամբ շեղել արցախցի մեր եղբայրներին և քույրերին, և առավել վտանգավոր է, որ փոքրիկներին են փորձում ներգրավել իրենց աղանդավորական խմբերի մեջ, խաբելով ծնողներին, իբրև թե եկեղեցի են ներկայացնում:
Հրավիրում ենք պատկան մարմինների ուշադրությունը վերոնշյալ խնդրի վերաբերյալ, և զգուշացնում ենք բոլոր նրանց, ովքեր հանցավոր անգործություն կդրսևորեն...»։
Լրագրող Սյուզի Բադոյանն էլ նույն թեմայի մասին տեսանյութ է ներկայացրել ու գրել․ «Տեր Զարեհի հետ մտանք կացարաններ` արցախցիների աղբը հավաքած դուրս ելանք:
Նախօրեին ինչ որ ջահելներ են թուրքական պեչենիներով ներխուժել Մասիսի կացարաններ, առանց ներկայանալու` մտել ու բալիկներին չոկոպայ են բաժանել , հետն էլ ՆԵՐԿԻՐ ԻՆՔԴ պատկերազարդ գրավիչ տետրեր` ԱՂԱՆԴԱՎՈՐԱԿԱՆ թեմատիկ քարոզով:
Ու սա շատ ծածուկ է արվել, աննկատ հոգեւորսություն` մի կտոր քաղցրով` մեր քթի տակ:
Որովհետեւ մարդիկ անտերության ու անճարության են մատնված .. ամեն ձեռք մեկնողից վերցնում են, դե.. քանի որ պետություն չկա...
քահանան արցախցիներից հետաքրքրվեց` սնունդը հասնում է ժամանակին թե ոչ ու ովքեր են մոտենում հիմնական բաժանողներից բացի( սեղանի քոսոտ քաղցրը ցույց տալով` պատմեցին անծանոթ ջահել հոգեւորսների մասին:
Ամեն ընտանիքին մի տրցակ գրքույկ էր բաժանվել` պեչենու հետ:
Հոգեւորսությունը հենց այսպիսի նեղ իրավիճակում է ծաղկում, քայքայում խոցելի հասարակությունն ու արժեհամակարգը, միասնություն է ջլատում:
Հայ Առաքելական եկեղեցին պարտավոր է շատ ավելի ակտիվ ու ինտենսիվ աշխատել հիմա:
Աղոթքով երկիր չփրկեց գոնե մազապուրծ եղածներին թույլ չտա մի ոսպով ու բրնձի հատիկով հոգեւորսության զոհ դառնալ դրսի քայքայիչ ուժերին»: