Այսօր՝ դեկտեմբերի 24-ին, Գորիսի քաղաքապետ Առուշ Առուշանյանը լրագրողների հետ զրույցում հայտնել է, որ իր տեղեկություններով Սյունիքի մարզի Որոտան գյուղից 12 տուն անցնում է Ադրբեջանին։
Նշենք նաև, որ այսօր իր նկատմամբ կալանավորումը որպես խափանման միջոց ընտրելու վերաբերյալ միջնորդությունը մերժվեց։
«Շտապ պետք է գնանք, որովհետև նոր տեղեկություն ստացա, որ մեր գյուղերից՝ Որոտանից 12 տուն էլ է անցնում։ Գնանք, որ հասկանանք՝ ինչ է կատարվում։ Այսպես որ գնաց, ապա ամեն օրվա վրա տեղեկություն ենք ստանում, որ թշնամին որոշում է՝ դա իր գյուղն է, իր տարածքն է, իր սեփականությունն է, և այնտեղ մարդ չկա։ Իշխանությունները երբեք էլ հետաքրքրված չեն եղել այդ գործառույթով։
Հետևաբար, սյունեցիներս պետք է գնանք, հասկանանք՝ ինչ ենք կարողանում անել»,- ասել է Առուշ Առուշանյանը։