Իր մամուլի ասուլիսի ընթացքում պատասխանելով հարցին, թե որքանով են ճիշտ այն տեղեկությունները, որ պատերազմի ժամանակ ինքը Աննա Հակոբյանին խնդրել է հրամանատարական կետից դուրս գալ, գեներալ Մովսես Հակոբյանը պատասխանել է, որ հրամանատարական կետում Աննա Հակոբյանը մոնիտորով դիտելիս է եղել ռազմական գործողությունները։
Ինքը մոտեցել է և քաղաքավարի խնդրել, որ դուրս գա հրամանատարական կետից, քանի որ մոնիտորով միշտ չէ, որ երևում են մեր զինծառայողների հաջողված գրոհները, և թեժ մարտեր են ընթանում, բացի այդ՝ հրամանատարական կետում տղամարդիկ են, որոնք հնարավոր է և պահի ազդեցության տակ հայհոյեն, և լավ կլինի, որ տիկին Աննան դուրս գա, չլսի այդ հայհոյանքները, զինծառայողներն էլ չկաշկանդվեն։
Աննա Հակոբյանը դուրս է եկել հրամանատարական կետից, այնուհետև Մովսես Հկաոբյանին զանգել և կանչել են Երևան։ Հակոբյանը 4 ժամում հասել է Երևան, և Դավիթ Տոնոյանը նրան ասել է, որ իրեն հրամայվել է` Մովսես Հակոբյանին թույլ չտալ գնալ Արցախ։
