Ազգային Ճակատ ՏԱ-ն գրում է․
Ռուսաստանում Հայաստանի նորանշանակ դեսպան Գուրգեն Արսենյանն իր նշանակման առթիվ ընդունելության այլ ավելի հաջող օր չի գտել, քան հոկտեմբերի 18-ը՝ Ադրբեջանի անկախության օրը։
Հավանաբար, Ադրբեջանի պետական տոնի շրջանակներում է Արսենյանը Մոսկվայում ՀՀ դեսպանատան տանիքի տակ հավաքել Ռուսաստանում ադրբեջանա-թուրքական տանդեմի լոբբիստական հեծելազորին՝ թմրանյութերի տարածման գործով Ռուսաստանում դատված Ասատրյան Սարգիսի գլխավորությամբ:
Հետաքրքիր է, որ ադրբեջանա-թուրքական գործակալական այս խմբում ոչ միայն ազգությամբ ռուսներ են ներգրավված, այլև հայեր, որոնք լոբբիստական և քարոզչական ծառայություններ են մատուցում ոչ միայն Իլհամ Ալիևին և Ռեջեփ Էրդողանին, այլև Նիկոլ Փաշինյանին:
Ուշագրավ է, որ Գուրգեն Արսենյանի կազմակերպած ընդունելությանը փայլատակում էին նաև Ռուսաստանում իրենց տեղը չգտած տարբեր ձախողակներ՝ լգբտ համայնքի իրական լոբբիստներ և նրանք, որ դեռ հույս ունեն փաշինյանական Հայաստանում ինչ-որ պաշտոններ զբաղեցնել:
Այնուամենայնիվ, պետք է համակ ուշադրությամբ հետևել այս մարդկանց գործունեությանը, որոնք փորձում են տեղավորվել վերջին տարիներին հայ-ռուսական հարաբերություններին ամենամեծ վնասը հասցրած Գուրգեն Արսենյանի դրոշի ներքո:
